It's Cartoon Time. .

Tez raftaar zindagi aur roz marra ki masrofiat se jab log thak jate hain tou chahte hain ghar mai sukoon hasil karna, phir wou chahe bache hon ya barey sab ghar mai sukoon hasil karne ke lye books parhte hain ya t.v dekhte hain. Bohat se log thakan utaarne ke lye cartoons dekhna bhtr samjhte hain. Wese tou log door-e-jadeed mai films aur dramon ki taraf ziada rukh karte hain, lakin aj bhi aesi youth mojood hai jou cartoon dekhne mai dilchaspi rakhte hain. 

Mukhtalif channels per dikhae jaane wale ye cartoons muktalif chezon ki waja se dilchasp bante hain jese ke fiction, magic aur funny music. Electronic aur Print media dono he cartoons ke zarye logon ko tafreeh farahum karne ka behtreen zarya hain. Ye cartoon character zehni tensions , mushkilaat-o-pareshani sab ko apni tafreeh ke zarye khatam kar ke insaani dimagh ko sukoon bakshte hain. Ziada tar dekhe jaane wale cartoons mai ScOoby-DOo, Powerpuff girls, Dora aur Tom&Jerry sar-e-fehrist hain. Cartoons ko har banda apne mizaaj ke mutabiq dekhna behter samajhta hai. Cartoons ke zarye bachon ki zehni salahiyaton ko barhaya bhi jasakta hai . Bohat se cartoon characters bachon ke lye Role Model ka kaam anjaam dete hain jese ke Super-Man, aese characters se bachon ko lesson bhi milta hai. Buraai se rokna ka ek yehe tareeqa hai jis ke zarye nojawaan nasal mai se movies ke rujhaan ko kum kiya jasakta hai.

Aesi chehzon ko promote kar ke logon ke zehno ko sukoon dya jasakta hai. Har waqt halaat ki kharabi , ghurbat se tang aai is qoum ko sukoon hasil karne ke lye apni masrofiyaat-e-zindagi mai aese cartoons programs ko zaror shamil karna chahye , takey energy-level ko khushyon ke zarye barhaya jasakey. .

By :
Saman Khan