Energy Drinks......The Slow Poison

Garmi ka mousam aate he log thande mashrobaat ka rukh kar lete hain. Yun tou ye drinks baaes e thandak aur rahat ka sabab banti hain. Jab ke aesi drinks ke istamaal se insaani jism apne hath se zeher ko apne andar utaar raha hai. Dukaano per aesi drinks ko boosting energy level,improving mental performance aur wazan kum karne ke naam se bechaa jarha hai. Jab ke bohat se popular brands barey pemaane per in mai caffeine aur sweetners ka istamaal kar rahe hain. Caffeine ka din mai ek se ziada bar istamal insaan ko nashe ka aadi bana sakta hai , chahe wou tea ho ya phir  drinks, har chez ki ziadditi jaan lewa sabit ho sakti hai.

Dunya bhar mai energy drinks ko kum waqt mai khane ki jaga full-supplement samjha jata hai. Jab ke is ka asar fori tor per khoon ki rawaani per parta hai jis k natije mai heart attack ka khatra bharne lagta hai , aesi energy drinks ka istamaal diabetic level ko double karta hai , bhook ke amal ko kum karta hai sath he headaches aur migraines ka masla shuru kardeta hai jo ke hamari society mai ub aam hochuka hai. Aesi drinks ka nasha nojawaan nasal mai tezi se ghusse ko barha k bardasht k maadde ko khatam karta jarha hai. The Substance Abuse And Mental Health Service Administration ke mutabiq 2007 se 2011 tak 20,000 se 40,000 patients sirf energy drinks ke natije mai mukhtalif amraaz mai mubtila hokr hospital aate hain jin ka elaaj sirf rehabitation ke tor per un patients ke andar se is aadat ko khatam karna hota hai.

Nojawaan nasal ko apni adaaton ko badal kar apni zindagi se pyar karna hoga . Door-e-jadeed ke sath qadam milane k lye khud ko mout ki taraf dhakailna gunah hai . Aesi drinks na-sirf insani sehat ko mutasir karti hai balkey barey pemaane per paise ka bhi ziyaan hai is se. Aesi drinks ke badle kum paison mai sehat mand khane ko khareeda jasakta hai. Jo ke insaani jaan ke lye baaes-e-sehat ho.

“Put your own health first

You can’t be anything for anybody else

Unless you takecare of your self”

( AlanaD,PharmD)

 By:

Syeda Hareem Haider