Yun
tou khana sab he ko bohat pasand hota hai, aur agar khana zaiq-e-daar ho tou
khane ka maza dobala hojat hai. Aese he khane ke barey main mai kuch btana chahongi.
Pakistan ke mukhtalif shehro mai mukhtalif dhaabe qaim hain. Jahan barey
paimaane pe log khane aate hain. Mukhtalif zaiqo se lutf-andooz hoker ye log
apne jaib kharch pe bhi kaabo rakh patey hain. Kum paiso mai zaiq-e-daar khana
ab dhaabo tak he mehdood hokar reh gya hai. Ghareebon ke lye ye qaim karda
dhaabey ghareebo ke “Five Star” ke naam se jaane jatey hain.
Aese
bohat se dhaabey Karachi mai qaim hain,jahan ka khana zaiq-e-daar tou hota hai lakin
sath he bohat si bimaariyo ko sath lye ye khana logo ke andar utar jata hai. Ghareebo
ke lye hukumat ne na kabhi pehle kuch kiya hai aur na ab tak kuch hota nazar
ata hai. Kum paiso mai milne wala ye khana aam awaam ke lye hota tou bohat acha
hai agar is ke lye koi moassar iqdamaat kardye jaen tou. Dhaabey kache ilaaqo
aur choti jagahon pe qaim hote hain, jahan safai ka koi khatir khuwah intizaam
nahi hota. Agar hukumat ki janib se aese dhaabo ki safai ke hawale se law pass
kardya jae tou ghareeb log kum paiso ke sath sehat baksh khana hasil karpaenge.
Karachi
mai qaim dhaabo ki taadaad 300 se bhi zaid hochuki hai . jahan subha,dophair
aur sham ke auqaat mai hazaron log jese mazdoor jou apne gharon se door hote
hai aesi jagaho pe khana kha ke apne ghar ki yad ko taza karte hain. Agar in
mehnat kasho ko sehat baksh khana mil jaega tou ye mazdoor tabqa mulk aur apne
gar walon ke lye behter kaam karpaenge. Hukumat ki na-ehli , khana banney wali
jagahon ko check na karna insaani jaan ke lye bimariyo ka sabab ban sakta hai. Aese
he dhaabe ke lazeez khano ki riwayat ko barqarar rakhte hue aur ghareeb logo ki
jaib ka khayal rakhne ke lye hukumat ko
ab aam awaam ke lye sochna hoga aesi jagaho ke lye khaas safai ke intizamaat ko
mumkin banana hoga. .
By:
Saman Khan
No comments:
Post a Comment