Blessings Of Our Home. .

 

Pehle zamane mai log barey borho ko khuda ki rehmat samjh kar ghar mai izat aur pyar se rakha karte the. Lakin door-e-jadeed mai logan ki soch ub badal chuki hai. Deen se door hone wale ye log ub apne maa baap ki mohabbat ko bhi thukra chuke hain. Har society apne trend ko follow karna behter samjhti hai, jis ke mutabiq maa aur baap hamare saro pe bojh ke braber hain. Jin ke chehron ko dekh ke hamay Allah Talah ki rehmat nahi milti balkey hum unko apni azzadi mai khalul samjhte hain.

Pakistan ke sheher Karachi mai bhi aese bohat se bad-naseeb log hain, Jin ko na apni tehzeeb ka lehaaz hai aur na he maa baap ki mohabbat ka khayal. 2006 mai Karachi ke andar sirf 3old-age homes the jab k ab in ki official tadaad barh ke 6 se zaid hochuki hai. Bohat se social workers ka halaat ko dekhte hue kehna hai ke inki tadaad mai ub kafi izafa hochuka hai lakin wou idaare registered nahi islye un old-age homes ko counting mai nahi laya jata. Har mard aurat, bache ek jesi mohabbat deserve karte hain, is bat se gharz nahi hona chahye k kon kitna zaeef hochuka hai. Jab un maa baap ne apni masrofiyaat mai apne rawaiye kabhi nahi badle tou bache ye bat q bhool kar apne rawaiye badal dete hain. Zimedariyan parhte he maa baap ke sath batamezi shuru kardete hain , ye bhool jate hain jis jaga pe aaj wou khare hain ye un k apne maa baap ki he qurbaniyo ka nateja hai. Hamara mazhab aur ikhlaqiyat is bat ki ijazat nahi deti ke maa baap ke sath aese rawaiye ikhtiyar kiye jaen . Aese he zaeef lagon ke barey mai Abdul Sattar Edhi ne bataya hai 100 se zaid zaeef log hamarey idarey mai reh rahe hain aur baqi idaron mai 150 se zaid zaeef logon ko unki bad-naseeb auladen chor ke jachuki hain .

Hamara culture tou aese old-age homes ko “NO” kehta hai lakin haqeeqat aj bhi is ke bar-aks hai . Aaj bhi aese old-age homes mai wou maa baap apne bachon ki raah takte hain ke shayad unki aulaad ke dil mai un k lye mohabbat jag jae aur wou in ki qeemat ko samjh pae. Mere nazdeek bad-naseeb hain wou auladen jou apne ghar ki rehmat ko aese old-age homes mai chor jate hain. Aaj bhi hum apne maa baap se bat karen tou wo yahi kahenge: Jab tum hamay borha dekhna us waqt hum pe ghussa nahi hona humey samjhne ki koshsh karna , Agar hum kuch bhool jaen tou hum pe ghussa nahi karna balkey us waqt ko yad karna k jab tum chote the, Koshsh karna hamari madad karne ki jab hum chal nahi paean yad karna apne pehle qadam ko jahan hum kharey the tumhara hath thaamey, Jab hum bimaar hon aur tumhari zarorat ho  humey aur tumhe hum per apne paise kharch karne parey tou ye yad rakhna ke hum ne apna sab kuch tumhari zaroraton ko pora karne mai laga dya hai . .

 

By:

Syeda Hareem Haider