Nakal Ka Rujhan

Pakistani  muashara  3 dihaiyon se zawal ka shikar raha hai. Be-imani,milawat,rishwat,dualat ka na-jaeez istemal  aur na-jaeez zaryon se dualat ka wasool ab Pakistan me koi buri bat nahi rahi hai.Pakistan me dusre shaubon ki  tarha taleem ka shauba bhi inhe mashriyati buraiyonse aluda hai.Guzishta roz Karachi samaet sindh bhar me matric k imtehanat shuru hone ki khabren har news channel ki zeenat bani rahi.Matric  aur Inter k imtehanat tulba aur ustateza k lie bhut ehmiyat ka hamil hote hain,magar afsos in imtehanat me bardhta hua nakal ka rujhan  har dafa kaye sawalat samne lata hai.

Sindh me ab to imtehani marakiz bhi kharide or baeche jate hain.Black list marakiz me to tulba dharaley se nakal krte hain.Imtehanat k nam per hazaro rupee rishwat k taur per liye or diye jate hain.Rishwat dena ka ye silsala kahin to imtehanat se qabal he  imtehani parche nikalne k lie shuru ho jata hai to kahin durane imtehan class me nakal ka mawad pohchane k lie hota hai.Agar naeyi naslon ki bunyad he galat aur be-imani  per bani hogi to Pakistan ka aj aur kal he nahi balke kae naslen bhi tabhai k raste per chal pardhe gi .

Zindagi k har shaube me short-cut ka bardhta hua rujhan taleem k taqadus ko pamal kar raha hai.Kasoor darasal naeyi nasal ka he nahi hai is me walidaen ka kirdar bhi shamil hai.Walidaen ko is se koi garz nahi hai k sara sal un k bache kitabon ko kitna waqt dete hain aur kitna dusri sargarmiyon ko,lekin imtehanat k karib ate he walidaen tulba  ka dimag per sawar ho jate hain aur in se behtareen nataeej ki umeed lagate hain.

Nakal ki ruk tham k liye mehekmae- taleem ka bhi farz hai k wo imtehanat k nizam me tabdiliyan laen,take tulba apni zahanat aur ilem k mutabik parcha hal kar saken aur ek roshan mustakbil ki shurwat kar saken.  
   

By:

Saman Khan