Mulk kafi sadyon se badhaali ka shikaar hai. Har door ke
apne masail lye Pakistan aagey bharta chala jarha hai lakin sath he apne bohat
se masaail mai behtri ke bajae mushkilaat mai din ba din izaafa hota nazar
araha hai. Aaj ek nazar is masle ki
taraf bhi karwana chahungi . Jahan hamare mulk ka asasa roadon per dar-badar
phirta nazar araha hai. Apni masoomiat ko tez dhoop mai jalata hua ye gulaab
aae din insaniyat ke hathon kuchalte dikhte hain.
Kum-sin bachon se kaam karwana na-sirf insaniyat ke
khilaaf hai balkey mulk ka qanoon bhi is bat ki ijazat nahi deta. 1991 act ke
mutabiq 14 saal se kum umar k bache mazdoori ya kisi bhi tarhan ki nokri nahi
kr sakte . Phir bhi aaj hum roadon pe khule aam 14saal se kum umar bachon ko
kaam karte dekhte hain. Jin se mazdoori ,bheek her tarhan ka kaam karwaya jarha
hai. Article 25(A) ke tehet 5 se 16saal tak ke bachon ko education milna
compulsory hai. Jis ke tehet ye bat waaze hogai hai ke 5se16saal tak ka bacha
kisi bhi tarhan ki koi nokri nahi kar skta. Aain aur qanoon ki khilaaf warzi
karne walon ko koi rokne wala nahi. Ye bache ek maafiya ke zarye roadon per
bheek mangte dikhte hain. Jin ko subha hote he bari bari gariyon mai lakar
roadon pe phenk dya jata hai. Aur din bhar bheek mangwa kar rat mai wapas leja
kar apne gharelo kaamon mai masroof rakha jata hai, sath he un nazuk kalyon ko
jou k ub tak khili bhi nahi hoti un se na-jaez kaam krwa kar ek aur zarya kamai
ka nikala jata hai.
Ab tak hamare mulk mai child labour ke khilaaf koi kaam
hota nahi dikh raha,na hukumat is bat ki jawab-deh hoti hai,na qanoon aur na he
awaam. Aakhir kiyon in bachon ke lye koi
muassar iqdamaat nahi kiye jate, kiya in ka koi mustaqbil nahi ? kia in bachon
ka hath thamne wala koi nahi ? Mulk ke mustaqbil ko bachane ka yehe waqt hai.
By :
Syeda Hareem
Haider
No comments:
Post a Comment