Waqt ka Taqaza... Taliban ya Pakistan ????

Taliban se muzaakraat humarey shohda ke khoon ko bechne ke mutaradif hai. Mazhabi inteha pasandi , dehshat gardi aur mulk se ghaddari jese mozoun mre zere behes hain. Wese tou aaj kal islami dunya ke mukhtalif mumalik mai beroni taqaton ne mukhtalif  fiqhon ke khilaf jung barpa ki hui hai. Kahin huqoq-e-insaniyat ka jhoota libada orhe, kahin muzhabi ikhtilafaat aur kahin siyaasi nukta-e-nazar ko uzr bana kar islami mumalik mai khatarnaak qism ki shorish barpa ki hui hain. Jin mai shamil Shaam, Misr, Yemen, Iraq, Afghanistan aur ab Pakistan sar-e-fehrist hai.

Humarey mulk mai jaari dehshatgardi ke do pehlu dekhne ko milte hain. Pehla pehlu mazhabi inteha pasandi jisko mai mazhabi inteha pasandi tou nahi kahongi balkey isko khud saakhta sharyat  kehna ziada behter samjhongi. Jis ka na insaniyat se koi taluq hai aur na he islam se hai. Dosra pehlu mjhe siyasat nazar aata hai. Taliban ne dar-asal Pakistani salaamti ko challenge kea hai. Jis mai shamil GHQ per hamla , NAVI BASE per hamla , PF BASE per hamla waghaira shamil hain. Taliban ke hamley sirf qanoon nafiz krne walon tak mehdood nahi balkey un mai mukhtalif awaami marakiz bhi shamil hain . jin mai siyaasi shakhsiyat, muzhabi shakhsiyat, mazaraat , masajid, imam barghon  ke sath sath ghair muslim ibadat gahon tak ko nahi chora. Har jaga Taliban ka nishana insaani khoon ko bahana he hai .is khooni khel mai Pakistan ke 50 hazaar se zaid shehri aur 7 hazaar se zaid fouji jawan shaheed kiye jachuke hain. Ab ye dehshatgardi idaron tak mehdood nahi rahi balkey ab ye dehshat gard dandanate hue shehr mai masoom shehriyon ke gharon mai ghus ke qatal-e-aam kar rahe hain, jin ko rokne wala koi nahi. Muzaakrat ke naam pe apni najaiz khuwaishat manwane wale zara ye to bata den ke un ki jung akhir kis ke khilaaf hai? Jis America ke naam per ye dehshat gardi krte hain dar-asal ye unhe ki paidawaar hain, un mumalik ki fundings pe pal kar unhi ke training base se tarbiyat hasil karte hain.

Aaj hamarey Pakistan mein Taliban target killers ke tor par istemal kiye ja rahe hain jinko siyasi shaksiyat,mazhabi scholars,or firqawarana target killing ke liye istemal kiya ja raha hai.Taliban ki America ke khilaaf karwaiyan to nazar nahi aati. Is k bar-aks islami mumalik mein dehshat gardi tawatur ke sath jaari hai,hamare fouji jawano ko qatal kar ke,mulk ke aain paamali karne waale logo se muzakrat ghair islami hain.

 Mere nazdeek mere hi piyaro ke qaatilo se hath milana hamare shaheedo ke khoon ko bechne ke barabar hai. Aise log MUZAAKRAAT ke nahi SAZA ke haqdaar hain..

By:

Syeda Hareem Haider